الرئيسية
البنات بالامتحان
قبل الاستاذ بنص ساعة هي جاية وماسحه الكرسي بالكلينس وكاعده لازمه الكتاب ومترتاح لو يجي مدري منو ولمن اجه الاستاذ ووزع الاسئلة البنية ابسرعة تشوف الاسئلة بس شافت السؤال الاول اشتغلت تكول مكينة وجلبت بالورقة(عبالك بس تترك الورقة الورقة تركض)ها ونسيت اكلكم طبعا هي شايلة سته اقلام من غير الالوان والمساحات والمقطاطات(لا اكلكم ولا تكولولي قبل الامتحان بيوم هي نازلة لسوق المتنبي تشتري تريلة اقلام ومساحات)خلصت الامتحان اتراجع الورقة خمسين مره واتكوم اتسلم الورقة.
الولد بالامتحان
فأما بالنسبة للولد يجي وره الاستاذ بنص ساعة يسأله الاستاذ وين جنت؟يبدي الولد يجذب(استاذ والله صارلي ساعة ادور على قاعة الامتحان وين مدا اندلها خلف الله على حجي جان واكف بالركن مال الشارع ودلاني القاعة)الاستاذ بعد الحجي والرزاله ايكله يله طب للامتحان طبعا ماكو كرسي يكعد عليه لانه جان متاخر ايكله الاستاذ روح جيب كرسي لو اكعد بالكاع يبدي الولد يطلب من جماعته الورقة والقلم لو ينطوا لو الاستاذ ينطي وبعدين يلزم الاسئلة طبعا هو كلشي مقاري بحياته مشايف الكتاب شي اكيد بعدين متدري منين تطلع البراشيم ومااحجيلكم على عيونه اتكول مشغلهن رادار بس يلكف كلمة يكتبها ميدري صح غلط المهم يكتب ويترس الورقة هناك ولكفه الاستاذ وياخذ البراشيم ويرد ايطلع غيرهن(مستنسخ الملزمة مية مره قبل الامتحان ابيوم وية ابوه يم الاستنساخ يستنسخ نسخ زغيره من الملزمة من غير البراشيم الي يكتبها بيده طبعا)الاستاذ ضاج من حياته كلما ياخذ منه البرشومه ايطلع اللخ ويضل لنهاية الامتحان اذا ميعرف شي يلزك بالكرسي اتكول لازك بصمغ الامير الى ان الاستاذ يتوسل بيه ويكله رحمه لوالديك بس خلص ومن و الاستاذ يجي على الولد ويكله يمعود بس كلي ياسؤال متعرفه ويحله السؤال وياخذ الورقة
قبل الاستاذ بنص ساعة هي جاية وماسحه الكرسي بالكلينس وكاعده لازمه الكتاب ومترتاح لو يجي مدري منو ولمن اجه الاستاذ ووزع الاسئلة البنية ابسرعة تشوف الاسئلة بس شافت السؤال الاول اشتغلت تكول مكينة وجلبت بالورقة(عبالك بس تترك الورقة الورقة تركض)ها ونسيت اكلكم طبعا هي شايلة سته اقلام من غير الالوان والمساحات والمقطاطات(لا اكلكم ولا تكولولي قبل الامتحان بيوم هي نازلة لسوق المتنبي تشتري تريلة اقلام ومساحات)خلصت الامتحان اتراجع الورقة خمسين مره واتكوم اتسلم الورقة.
الولد بالامتحان
فأما بالنسبة للولد يجي وره الاستاذ بنص ساعة يسأله الاستاذ وين جنت؟يبدي الولد يجذب(استاذ والله صارلي ساعة ادور على قاعة الامتحان وين مدا اندلها خلف الله على حجي جان واكف بالركن مال الشارع ودلاني القاعة)الاستاذ بعد الحجي والرزاله ايكله يله طب للامتحان طبعا ماكو كرسي يكعد عليه لانه جان متاخر ايكله الاستاذ روح جيب كرسي لو اكعد بالكاع يبدي الولد يطلب من جماعته الورقة والقلم لو ينطوا لو الاستاذ ينطي وبعدين يلزم الاسئلة طبعا هو كلشي مقاري بحياته مشايف الكتاب شي اكيد بعدين متدري منين تطلع البراشيم ومااحجيلكم على عيونه اتكول مشغلهن رادار بس يلكف كلمة يكتبها ميدري صح غلط المهم يكتب ويترس الورقة هناك ولكفه الاستاذ وياخذ البراشيم ويرد ايطلع غيرهن(مستنسخ الملزمة مية مره قبل الامتحان ابيوم وية ابوه يم الاستنساخ يستنسخ نسخ زغيره من الملزمة من غير البراشيم الي يكتبها بيده طبعا)الاستاذ ضاج من حياته كلما ياخذ منه البرشومه ايطلع اللخ ويضل لنهاية الامتحان اذا ميعرف شي يلزك بالكرسي اتكول لازك بصمغ الامير الى ان الاستاذ يتوسل بيه ويكله رحمه لوالديك بس خلص ومن و الاستاذ يجي على الولد ويكله يمعود بس كلي ياسؤال متعرفه ويحله السؤال وياخذ الورقة
