الرئيسية
عشنه من الصغر فقره ومساكين
وعرفنه العوز لحظة ماوعينه
فتحنه على المصايب شوف العيون
وعلى حجايت كضت هانت ربينه
لكينه كماطنه هموم وعذابات
وبعد ماتدري لوتدري شلكينه
لكينه دموعنه تهز الكواريك
وسمعنه جروحنه يلولن علينه
جبنه العمر كله احاه باحاه
وعمر ضكنه الوكت بس ماشكينه
حلم بالعيد نلعب عالمراجيح
وخنكنه الحلم سر وماحجينه
لان فقره اهلنه ولو حجيناه
عذرهم تنكطع وتطيح بينه
عرينه من الجديد بجية العيد
وابد من الخجل لاماعرينه
ردنه نمد ادينه بساعة الجوع
ولكينه جفوفنه اتكطع بدينه
كالو من صفر وابدو المسافات
ولو عدنه الصفر جان ابتدينه
وكالو تنتهي وتنزال وتروح
ومعنه التنتهي صار انتهينه
وكالو تنسي من اتطيب الجروح
وطلعنه جروح من طبنه انسينه
رضينه بفي اهلنه انموت مرات
ونعيش بفي غرب لامارضينه
وعرفنه العوز لحظة ماوعينه
فتحنه على المصايب شوف العيون
وعلى حجايت كضت هانت ربينه
لكينه كماطنه هموم وعذابات
وبعد ماتدري لوتدري شلكينه
لكينه دموعنه تهز الكواريك
وسمعنه جروحنه يلولن علينه
جبنه العمر كله احاه باحاه
وعمر ضكنه الوكت بس ماشكينه
حلم بالعيد نلعب عالمراجيح
وخنكنه الحلم سر وماحجينه
لان فقره اهلنه ولو حجيناه
عذرهم تنكطع وتطيح بينه
عرينه من الجديد بجية العيد
وابد من الخجل لاماعرينه
ردنه نمد ادينه بساعة الجوع
ولكينه جفوفنه اتكطع بدينه
كالو من صفر وابدو المسافات
ولو عدنه الصفر جان ابتدينه
وكالو تنتهي وتنزال وتروح
ومعنه التنتهي صار انتهينه
وكالو تنسي من اتطيب الجروح
وطلعنه جروح من طبنه انسينه
رضينه بفي اهلنه انموت مرات
ونعيش بفي غرب لامارضينه
