Zakho Technical Institute

اهلاً وسهلاً بك زائرنا الكريم نتمنى منك التسجيل في المنتدى حتى تتمكن من مشاهدة المواضيع بالكامل وامكانية اضافة مواضيع جديدة

تحية عطرة لكل الاعضاء المشاركين معنا والذين يودون المشاركة معنا ونتمنى لهم اطيب الاوقات في المنتدى

انتباه ..... انتباه ..... لقد تم اعطاء نقاط اضافية للكل وكل حسب نشاطه

انتباه الى كل الاعضاء والمشرفين الان بامكانكم اضافة ملفات الصور والاغاني وغيرها الى مواضيعكم عن طريق خدمة المرفقات وحاليا اقصى حد لحجم الملفات هو 100 كيلو بايت وترقبوا الجديد

    شــــــعر تحشــــيــــــش علــــــى الكهرباء

    شاطر
    avatar
    NoORa
    عضو هادف
    عضو هادف

    انثى
    عدد الرسائل : 510
    العمر : 29
    من اقوال الفقهاء : لاتحزن على الدنيا وما فيها لانك ضيف على اراضيها
    البلد :


    نقاط : 47113
    تاريخ التسجيل : 12/02/2009

    شــــــعر تحشــــيــــــش علــــــى الكهرباء

    مُساهمة من طرف NoORa في الأحد يونيو 14, 2009 1:54 am

    شــــــعر تحشــــيــــــش علــــــى الكهرباء

    فد واحد اشكد مايحب الكهرباء صار شاعر
    يله خلي انشوف اشكتب

    ماتگدر تجينه امحنيه رجليهه
    بلوه الكهرباء شلون تاليهه

    ماتگدر تجينه وطبع دلوعه
    بس ساعه تهل وخمسه مگطوعه
    وحنه الصيف اجانه شحلو موضوعه
    الروح بيا مكان وّين اوديهه

    ما تگدر تجينه وشاغله الافكار
    واليطلب الحسنه المهر بالدولار
    تشرط قصر عالي امحوّط ابأسوار
    والمايگدرلهه بحرّه يگضيهه

    ما تگدر تجينه وخايفه علينه
    حكمتهه هوه التبريد ياذينه
    ديدنهه تحبنه ودوم توصينه
    سبلتكم قناعه فياي يغنيهه

    ما تگدر تجينه والمكيف دوم
    بي صارت كآبه وشال كومه هموم
    تضحكله المهفه تگله جالك يوم
    ارجع منشأك خل عزتك بيهه

    ماتگدر تجينه والحكومه بخير
    من يوم الاجت ما صار كل تغيير
    لحظه والعقل يخواني مني يطير
    ياهو من الوزاره لعلتي يدريهه

    ما تگدر تجينه محنيه حته الراس
    والمسؤل يحلف والله والعباس
    مضروبه المحطه شبيدي يا هلناس
    صبرولي سنه ... عشرين خليهه !!

    ما تگدر تجينه والشعب داوي
    خزّن ما يطيب الجرح شتداوي
    اتحزم سبع يا خوي للواوي
    وفرش عل سطوح عذيبي تلگيهه

    ما تگدر تجينه والشمس تشوي
    وفريزرنه خالي بس هوه يحوي
    ووعود القياده وعود ما تروي
    هيه اتريد امبيرين ننطيهه

    ما تگدر تجينه والمولد فار
    مشكور اعله تعبه وكفو منه وبار
    يوميه بعطل حته المصلح حار
    يفتر صبح ليل وحته ظهريهه

    ما تگدر تجينه ونتوا خو تدرون
    عدنه شلون صيف يذوب الفافون
    مو لعبة طفل متونس ابّالون
    من ايطگ محول ظلمه يغديهه

    ما تگدر تجينه والگلب فرحان
    أحنه اكثر بلد بالنفط والحرمان
    وأحنه أسعد وطن محسود بالاوطان
    من ناكل البيضه بچوله نگليهه

    ما تگدر تجينه والجروح كبار
    هادي الشعب ساكت يسمع الاخبار
    واحد لزم كرسي وثاني شاله وطار
    بس محد سأل عناس وشبيهـــــــه

    ما تگدر تجينه وطالت المده
    گمت أحلم بواط بدربي يتعدّه
    يا كبر الصداع براسي شيهيده
    والآلام كثرت من يداويهــــــه

    ما تگدر تجينه وصايره هوايه
    باليابان مرّه انطفت لحظايه !!
    وحنه ارقام عدنه القطع بالمايه
    وبدفتر جينس منهو اليجاريهه

    ما تگدر تجينه وشنهو الجاره
    راح انصب عله البيتونه فرّاره
    بلكي بهوه شرجي ولنهه دواره
    ولأجواء نوبل أسمي يضويهه

    ماتگدر تجينه ومجلس النواب
    سوّاله اجتماع مقفل الابواب
    گال الحل شعبنه ينزع الاثواب
    وبدجله وفرات السبح ينسيهه

    ما تگدر تجينه الامم متحدات
    تبحث بالعراق اوراق منشورات
    وصلوا للنتيجه وأسف عاجل فات
    گال ايران علنت عن نواويهه

    ما تگدر تجينه وفتحوا الجوال
    ووراق العراق بسلة الازبال
    يامسكين شعبي محطم الآمال
    روحك طور( داخل) بس يسليهه

    ماتگدر تجينه وتوصل انّه اِلبيت
    ديمقراط اجانه وهمر بالباكيت
    من ماكو اناره عولمه ضويت
    شوفواشگد جميله الوان تزهيهه

    ما تگدر تجينه انگطع حته السير
    والخضراء تزهي يغني بيهه الطير
    رامس كوندليزه وحضر حته بلير
    والسي آي أي ما گدر يحييهه

    ما تگدر تجينه وصرت متأكد
    خابرني الزعيم القطب والاوحد
    بوش وگاللي لأحلامك توسد
    ماتنحل يگلبي انخبط صافيهه

    ما تگدر تجينه محنيه رجليهه

    بلوه الكهربااااااااااااء شلون تاليهه
    avatar
    ormany25
    عضو هادف
    عضو هادف

    ذكر
    عدد الرسائل : 912
    العمر : 44
    من اقوال الفقهاء : لايبلغ الاعداء من جاهل ما يبلغ الجاهل من نفسه
    البلد :
    المزاج :
    الهواية :


    نقاط : 48634
    تاريخ التسجيل : 18/01/2009

    رد: شــــــعر تحشــــيــــــش علــــــى الكهرباء

    مُساهمة من طرف ormany25 في الإثنين يونيو 15, 2009 12:12 am

    موضوع حلووووووووووووووووووو مشكور


    ============================= التوقيع الشخصي =============================

      الوقت/التاريخ الآن هو الأربعاء يونيو 28, 2017 11:39 am